سؤال بامتحان الثانوية بالشرقية:كيف ترى الحياة لو خُلِقت بثلاث عيون؟!

تداول نشطاء على موقع التواصل الاجتماعى "تويتر" صورة ضوئية لنموذج امتحان للصف الثانى الثانوى بالشرقية، يحمل سؤال التعبير بعنوان "تخيل أنك خلقت بثلاث عيون اكتب تقريرا عن الحياة عندما تراها بعيون ثلاثة".

وسخر النشطاء من صيغة السؤال، حيث علق أحدهم قائلاً "ده على أساس إن العين التالتة هتخلينى أشوف اللى مشوفتوش بالاتنين؟"، فيما أضاف آخر "هطلع مع ريهام سعيد طبعا"، وتابعت ثالثة "هو ده بقى حال تعليمنا بالضبط، حاجات ملهاش أى منطق، والمفروض أنهم بيطوروا التعليم".

وواصلت طالبة "مرة يكلمونا فى السياسة، ومرة حاجات خيالية، هما عايزين يعملوا فينا إيه أكتر من كدة"، واستكملت "الطالب هيكره يتعلم عشان يرتاح من التأليف".