طبق يجنن طعمه مفيش أحلى من كدة … غير ان طريقته سهلة جدااا يمكنك عملها بكل سهولة يلا منضيعش وقت تعالوا نجرب طبقنا
المقادير:
مكرونة اسباجيتي
1/2 كيلو صدور فراخ مشوية ومقطع شرائح بالطول
فلفل ألوان مقطع شرائح بالطول
3 ملاعق كبيرة زيت الزيتون
3 فصوص ثوم مهروس
1/2 كوب جوز مدقوق
1/4 كوب جبنة شيدر مبشورة
مقادير الصلصة:
3 معالق كبيرة ريحان مجفف
2 معلقة كبيرة زيت الزيتون
فص ثوم مهروس
1/2 كوب جبنة بارميزان
1/2 كوب زيت ذرة
طريقة التحضير:
1- اسلقي المكرونة في مية سخنة مضاف ليها الملح ونص معلقة زيت، بعد ما المكرونة تتسلق كويس اغسليها بمية باردة، وسيبيها في المصفاة.
2- بعد كده ابدئي في تحضير الصلصة بإنك تحطي كل مكوناتها في الخلاط وتضربيهم مع بعض كويس.
3- هاتي صينية وسخني فيها زيت الزيتون، وحمري الثوم ثم اضيفي ليها الفراخ مع الصلصة المعدة سابقاً وقلبيهم مع بعض لمدة 5 دقايق، وبعد كده ضيفي المكرونة ونصف كمية الجوز، واتركيها لمدة 4 دقائق على النار.
4- شيلي المكرونة من على النار وحطيها في طبق التقديم وزينيها بباقي الجوز والجبنة المبشورة.
وبالصحة والهنا,,,,
المشاركات
إرسال تعليق